တေးသီချင်း/စာသားအသုံးပြုခွင့် (လိုင်စင်) သဘောတူစာချုပ်

စာချုပ်ဝင်များ:

✦ အသုံးပြုခွင့်ပေးသူ (Licensor):

✦ အသုံးပြုခွင့်ရသူ (Licensee):

ABC Content Solutions Co., Ltd. (Mahar Music)။

၁။ အဓိပ္ပာယ်ဖွင့်ဆိုချက်များတွင် ထည့်သွင်းရန်

• "ဒီဂျစ်တယ်ပလက်ဖောင်းများနှင့် ဝန်ဆောင်မှုများ (Digital Platforms & Services)" ဆိုသည်မှာ ကမ္ဘာတစ်ဝန်းရှိ Music Streaming Apps များ (ဥပမာ - Mahar Music, Spotify, Apple Music) ၊ ဖုန်းခေါ်ဆိုသံဝန်ဆောင်မှု (Caller Ring Back Tunes - CRBT) နှင့် YouTube ပေါ်တွင် မူပိုင်ခွင့်ဖြင့် စီးပွားရေးအကျိုးအမြတ်ရှာဖွေခြင်း (YouTube Monetization / Content ID) အပါအဝင် အသုံးပြုခွင့်ရသူမှ စီမံခန့်ခွဲသော ဝန်ဆောင်မှုအားလုံးကို ဆိုလိုသည်။

၂။ သဘောတူညီချက်

• အသုံးပြုခွင့်ပေးသူသည် ၎င်းပိုင်ဆိုင်သော သို့မဟုတ် မူပိုင်ခွင့်ရှိသူထံမှ တရားဝင်ခွင့်ပြုချက်ရရှိထားသော တေးသီချင်း/စာသားများ (နောက်ဆက်တွဲ-က) ကို အပိုဒ်(၃) တွင်ရွေးချယ်ထားသော “ဒီဂျစ်တယ်ပလက်ဖောင်းများနှင့် ဝန်ဆောင်မှုများ” အတွက် အသုံးပြုခွင့်ရသူအားပေးအပ်သည်။

၃။ အသုံးပြုခွင့်ရွေးချယ်ခြင်း

• အသုံးပြုခွင့်ပေးသူသည် မိမိ၏တေးသီချင်းများကို ကမ္ဘာအနှံ့ဖြန့်ချိရန်အတွက် အောက်ပါ ဝန်ဆောင်မှုများအနက်မှ မိမိအသုံးပြုလိုသည့် ဝန်ဆောင်မှုများကို ( ✔ ) ခြစ်၍ စိတ်ကြိုက် ရွေးချယ်သဘောတူပိုင်ခွင့်ရှိသည်။

ဝန်ဆောင်မှုအမျိုးအစား (Services Available)

Mahar Music Application & In App Gifting(Mahar Music App အတွင်း နားဆင်သူပရိသတ်များမှ အနုပညာရှင်ထံသို့ MStar နှင့်လဲလှယ်၍ Digital Gifts များပေးပို့ခွင့်ပြုခြင်း။)

Caller Ring Back Tunes (CRBT)(ပြည်တွင်းတယ်လီကွန်းအော်ပရေတာများတွင် ဖုန်းခေါ်ဆိုသံအဖြစ်ထည့်သွင်းခြင်း။)

International Streaming Platform(Spotify, Apple Music, YouTube Music, Deezer, Tidal, Amazon Music, and TikTok Music.)

YouTube Monetization & Content ID(YouTube ပေါ်တွင် မူပိုင်ခွင့်စနစ်ဖြင့် ဗီဒီယိုများမှ ဝင်ငွေရှာဖွေခြင်းနှင့် ကာကွယ်ခြင်း။)

၄။ စာချုပ်သက်တမ်း

စာချုပ်သက်တမ်းမှာ (၁) နှစ်ဖြစ်ပြီး၊ တစ်ဖက်ဖက်မှ (၁) လကြိုတင်အကြောင်းကြားစာ ပေးပို့၍ ရပ်စဲခြင်းမပြုပါက အလိုအလျောက် သက်တမ်းတိုးသွားမည်။

၅။ ဝင်ငွေခွဲဝေခြင်းနှင့် ငွေပေးချေမှု

အသုံးပြုခွင့်ပေးသူ၏ တေးသီချင်းများမှ ရရှိလာသောအကျိုးအမြတ်များအားအောက်ဖော်ပြပါအတိုင်း ခွဲဝေမည်။

	အသုံးပြုခွင့်ပေးသူ အကျိုးခံစားခွင့်	အသုံးပြုခွင့်ရသူ အကျိုးခံစားခွင့်
Mahar Music Application & In App Gifting	70%	30%
Caller Ring Back Tunes (CRBT), International Streaming Platform, YouTube Monetization & Content ID	80%	20%

ဝင်ငွေစုစုပေါင်း ၃၀,၀၀၀ ကျပ်နှင့်အထက် စတင်ရရှိသည်နှင့် ပထမဦးစွာငွေပေးချေမှုကို ပြုလုပ်မည်ဖြစ်သည်။ အသုံးပြုခွင့်ပေးသူ၏ KBZ ဘဏ်အကောင့်ကို အသုံးပြုခွင့်ရရှိသူထံ ပေးပို့ထားရမည်။

၆။ Mahar Music Application မှ ဝင်ငွေရရှိမည့်ပုံစံ (Revenue Model)

အသုံးပြုခွင့်ပေးသူ ရရှိမည့် အကျိုးအမြတ်ကို အောက်ပါ ပုံသေနည်း (Formula) အတိုင်း တိကျစွာ တွက်ချက်ပေးချေမည်။

• တစ်ကြိမ်နားထောင်ခြင်းတန်ဖိုး (Per-Stream Value): စုစုပေါင်းအသားတင်ဝင်ငွေ (Net Revenue) ÷ စုစုပေါင်းနားထောင်သည့်အရေအတွက် (Total Streams)

• အနုပညာရှင်ရရှိမည့် ဝင်ငွေ (Artist Revenue): တစ်ကြိမ်နားထောင်ခြင်းတန်ဖိုး × မိမိသီချင်း ၁ ပုဒ်စီအား နားဆင်ကြသည့်အရေအတွက်

၇။ လစဥ်အစီရင်ခံစာ

အသုံးပြုခွင့်ပေးသူသည် မိမိ၏ တေးသီချင်း (သို့မဟုတ်) Music Video တစ်ပုဒ်ချင်းစီအလိုက် ဝင်ရောက်နားထောင်သည့် အကြိမ်အရေအတွက်ကို အချိန်မရွေး စစ်ဆေးနိုင်ရန်အတွက် လစဉ်နားဆင်သည့် မှတ်တမ်းအစီရင်ခံစာ (Monthly Report Dashboard) report-dashboard.maharmuzic.com ကို အသုံးပြုခွင့်ရသူမှ ပံ့ပိုးပေးမည်။

၈။ စည်းကမ်းသတ်မှတ်ချက်များ (Terms & Conditions)

• (က) နားဆင်မှုသတ်မှတ်ချက်: တေးသီချင်းတစ်ပုဒ်ကို အနည်းဆုံး စက္ကန့် (၆၀) နှင့်အထက် ဆက်တိုက်နားထောင်ပြီးမှသာ (၁) ကြိမ် နားဆင်ခြင်း (1 Stream) ဟု အတည်ပြု သတ်မှတ်မည်။

• (ခ) ပေးချေမှုစနစ်: စာချုပ်ချုပ်ဆိုသည့်နေ့မှစ၍ ပထမ (၃) လ ကာလပြီးနောက် လစဉ် အစီရင်ခံစာနှင့် ရရှိငွေ (Report & Payment) ကို ပေးချေသွားမည်။ အသုံးပြုခွင့်ရရှိသူသည် ဝန်ဆောင်မှုလုပ်ငန်းများမှငွေပေးချေမှုများရရှိပြီး ရက် ၃၀ အတွင်း အသုံးပြုခွင့်ပေးသူကို ငွေပေးချေပေးမည်ဖြစ်သည်။ ဒစ်ဂျစ်တယ်ဆိုင်ရာဝန်ဆောင်မှုလုပ်ငန်းများမှ လစဥ်စာရင်းများ နှင့် ငွေပေးချေမှုများ ၆လအထိ နှောင့်နှေးနိုင်ချေရှိကြောင်း ကြိုတင်အသိပေးအပ်ပါသည်။

• (ဂ) ပွင့်လင်းမြင်သာမှု: ငွေကြေးဆိုင်ရာခွဲဝေမှုများ တိကျမှန်ကန်ပြီး အပြန်အလှန် ယုံကြည်မှု ရှိစေရန်အတွက် လွတ်လပ်သော ပြင်ပစာရင်းစစ်အဖွဲ့ (External Audit Firm) အား ကြားခံ ထားရှိ၍ စာရင်းဇယားများကို စစ်ဆေးဆောင်ရွက်သွားမည်။

၉။ ဝန်ခံကတိနှင့် တာဝန်များ

• အသုံးပြုခွင့်ပေးသူ: လက်ရာများ၏ မူလပိုင်ရှင်ဖြစ်ကြောင်း၊ မူပိုင်ခွင့်ရှိသူထံမှ တရားဝင်ခွင့်ပြုချက်ရရှိထားကြောင်း၊ မူပိုင်ခွင့်အငြင်းပွားမှုမရှိကြောင်းနှင့် တစ်ဦးတည်းသီးသန့် (Exclusive) ပေးထားခြင်းမရှိကြောင်း ဝန်ခံသည်။

• အသုံးပြုခွင့်ရသူ: အသုံးပြုခွင့်ရသူသည် Mahar Music နှင့်စပ်ဆက်သည့် social media platform များတွင် သီချင်းများနားဆင်နိုင်ရန် ကြော်ငြာသည့် promo များကို ကြာမြင့်ချိန်စက္ကန့် (၃၀) အောက်သာ အသုံးပြု၍ ကြေညာပေးသွားမည်။

• လွှဲပြောင်းခြင်း: တစ်ဖက်၏ ကြိုတင်ခွင့်ပြုချက်မရှိဘဲ တာဝန်များကို လွှဲအပ်ခြင်းမပြုရ။

၁၀။ မူပိုင်ခွင့်နှင့် လျှို့ဝှက်ချက်

• မူလတေးသီချင်း/စာသားများ၏ မူပိုင်ခွင့်သည် အသုံးပြုခွင့်ပေးသူတွင် ရှိသည်။

• စာချုပ်ပါ အချက်အလက်များကို လျှို့ဝှက်စွာ ထိန်းသိမ်းရမည်။

၁၁။ အခွန်ပေးဆောင်ခြင်း

ဤလိုင်စင်သဘောတူစာချုပ် ချုပ်ဆိုခြင်းနှင့်စပ်လျဥ်း၍ သက်ဆိုင်ရာအခွန်ဦးစီးဌာနက အခွန်စည်းကြပ် ပါက စာချုပ်၀င်များသည် တည်ဆဲအခွန်ဥပဒေများနှင့်အညီ ပေးဆောင်ရန်တာ၀န်ရှိသည်။

၁၂။ စာချုပ်ရပ်စဲခြင်းနှင့် အငြင်းပွားမှုဖြေရှင်းခြင်း

ဤလိုင်စင်သဘောတူစာချုပ်သည် အောက်ဖော်ပြပါ အခြေအနေများ တစ်ရပ်ရပ်ဖြစ်စေ၊ အားလုံးဖြစ်စေ ပေါ်ပေါက်ပါက အလိုအလျောက်ရပ်စဲပြီးဖြစ်သည်

• စည်းကမ်းဖောက်ဖျက်မှုရှိပါက ရက် (၃၀) အတွင်း ကုစားရမည်၊ မကုစားပါက စာချုပ်ရပ်စဲနိုင် သည်။

• စာချုပ်ဝင်နှစ်ဖက်က နှစ်ဦးနှစ်ဖက်သဘောတူညီချက်ဖြင့် ရပ်စဲခြင်း။

• အပိုဒ် (၁၃) အရ မမျှော်မှန်းနိုင်သောဖြစ်ရပ်သည် (၆) လနှင့်အထက် ဖြစ်ပွားခြင်း။

• အငြင်းပွားမှုများကို ညှိနှိုင်းဖြေရှင်းရမည်။ ပြေလည်မှုမရပါက မြန်မာနိုင်ငံ တည်ဆဲဥပဒေဖြင့် ဖြေရှင်းမည်။

၁၃။ မမျှော်မှန်းနိုင်သောဖြစ်ရပ်များ

ဤလိုင်စင်သဘောတူစာချုပ် သက်တမ်းကာလအတွင်း သဘာ၀ဘေးအန္တရယ်များ ကျရောက်ခြင်း၊ စစ်မက်ဖြစ်ပွားခြင်း၊ အများပြည်သူ ဆူပူထကြွခြင်းစသည့် စာချုပ်၀င်နှစ်ဖက်၏ ထိန်းချုပ်မှုအောက် တွင် မဟုတ်သည့်အဖြစ်အပျက်များသည် (၆)လနှင့်အထက် ဖြစ်ပျက်ပေါ်ပေါက်၍ စာချုပ်ဝင်နှစ်ဖက်က ဤလိုင်စင်သဘောတူစာချုပ်ပါစည်းကမ်းချက်များကို အကောင်အထည်ဖော်ဆောင်ရွက်နိုင်ခြင်း မရှိ သည့်အခါ စာချုပ်သည် အလိုအလျောက်ရပ်စဲပြီးဖြစ်သည့်အပြင် ထိုသို့သော မမျှော်မှန်းနိုင်သော ဖြစ်ရပ်များကြောင့် စာချုပ်ရပ်စဲခြင်းအတွက် မည်သည့်စာချုပ်၀င်ကမျှ နစ်နာကြေးတောင်းဆိုခွင့် မရှိ စေရ။

၁၄။ မူပိုင်ခွင့်နှင့် လျှို့ဝှက်ချက်

• နောက်ဆက်တွဲ (က) - သီချင်းစာရင်း

၁၅။ စာချုပ်လက်မှတ်ရေးထိုးခြင်း

စာချုပ်ဝင်များအနေဖြင့် အထက်ပါစည်းကမ်းချက်များကို အပြည့်အဝနားလည်သဘောတူပြီး လွတ်လပ်စွာလက်မှတ်ရေးထိုးပါသည်။

အသုံးပြုခွင့်ပေးသူ (Licensor)

(လက်မှတ် / E-Signature):

အမည်:

ရက်စွဲ: